Şhanğupşe ujır
Ya sımecağe xeqotağe h’ulfığe nebğit’`ur zeş`iğe zı smace wune pıwtığem yıl’ığex. Sımaceme ya zırem şecağo wujım yıkışnewujı yı guşüerh’e thabılı psı eşını papc’e zı sehate zétet’ıshane fâdeştığ.
Mı sımacem yı p’o, zeril’ıxe wune pıwtığem yıé şhanğunpşe zakoem yı ujı gupe ul’ığ.
Adere sımaceri zel’epıte yı txits’e tel’e şımıl’ıme mıh’une şıtığ.
Mı sımace t’`ur sehatxer téqu ya goaşexeme, ya wunexeme, ya wunağoxemre, ya dze qoeğum yaşha kiriqoağexme, kequhaqoe zıqoağe c’ıp’eme ya guğe yaş`ıgorem zepıte zedeguş`aştığex.
Şhanğupşe ujım ul’ı sımacem mafe kesi şecağo wujım zı sehate zızetet’ısharem şhanğupşemc’e yıl’eğum l’irexer adere sımacem kıfioategorem bliğac’ıştığ.
Adere sımacem şewum deh’uhare zer zeşe qoac’e zie ğalağe dünayém yédeu yiase yıwujıre mafer c’apsec’e yıkudıyı yeje fejağ.
Şhanğupşer yıqots’ı daxaşe zı psı wüçöağe yıte zı park`ımc’e pl’eştığ.
Psı vuçöağem babışxer, kıwxer şesıxe bete c’ele ts’ıquxeme kuha cegoal’exer şirağasıştığ.
Şü`ı zerel’eğure nıbjıéxer zeblıpkı etıxe şıwankopsım yışö zetefığe pstewum fede şö zié nekığexeme ya qots’ı xetıxe kışaquhaştığex.
çığ’ı yınıxeme aneğuner yağadaxew, şıjec’e kalem yı tépl’aşö pl’eğum l’eiştığ.
Şhanupşe ujım usı mı l’`ım mıxer zexefığe ğaş`eğone kioate zıh’urem, adere bğumc’e şıl’ı l’`ım yınexer yéwpts’ıxezı ayfedize dexaşe tépl’er guğenetsı zıfiş`ıştığ.
Zı şecağo wujı yı kışnewujı şhanğupşem yidiyi şıl’ı l’`ım blec’ıre ferfenem yı ş`ıc’e kiotağ.
adere l’`ım blec’ırexeme ya yéwoc’e yepşac’e makexer zeximıxıxemi nepeh’uc’e yel’eğum fede kıfeqoştığ.
Careşte mafexer thamafexer blec’ığex.
Zı pşediyi sımacexer yığap’c’ıne psı ğafebağe kezıhığe, mafe sımacerıpl’ır şhanupşe ujım ul’e şıl’ı sımacem yıpse xec’ğe dıyıjığe uş`ağ. Yıgu cade kewoağ, sımacewune lejaqoxeme hader yariğaatını papc’e yacağ.
Adere kenağe sımacer, yıkune zı l’eh’an téqoağe h’uğe zıh’urem se a l’`ağer zıxel’ığe şhanğupşe ujım ul’ı yı p’o süjğaköşıme yeqo h’uşta yiui ewupc’ağ.
Sımacerıpl’ım wuzfayer c’öğo kıfesc’en yıui sımacer yığakoşi adere p’oem xiğağol’hağ, sımacer rehate h’uğec’e yı gu zıtepsafe yıkışnevujı yızako kiğanağ.
wuze yıem yemıpl’e yı zı alcaneşha zitiriğawui şevum şıe dünayém yepl’ını papc’e l’`ım yı p’o şızıxiatıc’ığ, yawujım şewur yej yı nec’e l’eğunım yı th’enığe yışeştığ.
Şhanğupşemc’e şewum depl’enı papc’e yığorığo kin zeritijıgorem ziğazağ şhanğupşer zı depkı neic’e pl’eştığ.
L’`ır sımacerıpl’ım “ l’`ağe sığusem şhanğupşe işöem şıpl’eğum l’eire dexaşe zıgorexeme ya guğe kizfiş`ıştığer sıdığ şöoa” yıui yewupş`ığ.
Sımacerıpl’ım “ l’`ağe l’`ır neşö zereşıtığer şhanğupşe gupem utı depkır yımıl’eğo zereşıtır arığe, gu xeatıc’ığe kuti yıaseğ seşüeş`ı” yioağ.
